الیکشن کمیشن آف پاکستان کی جانب سے شکایات کی سنوائی کے لیے ہیلپ لائن نمبر کا اجرا کردیا ہے۔
تفصیلات کے مطابق الیکشن کمیشن کے ترجمان کا کہنا تھا کہ ہیلپ لائن نمبر 051111327000 پر کال کرکے شکایت درج کرائی جاسکتی ہیں۔
ترجمان نے مزید بتایا کہ عام انتخابات کے پیش نظر 24 گھنٹے ہیلپ لائن پر شکایت درج کرائی جاسکتی ہیں۔
واضح رہے کہ چیف الیکشن کمشنر سکندر سلطان راجہ نے عام انتخابات کے دوران چاروں صوبوں میں سکیورٹی سے متعلق بھی اہم ہدایت جاری کی ہیں.
نوٹ: الیکشن کی تمام رپورٹس، خبروں اور تجزیوں کیلیے لنک پر کلک کریں
چیف الیکشن کمشنر نے چاروں چیف سیکریٹریز اور آئی جیز سے ٹیلیفونک رابطہ کیا۔ سکندر سلطان راجہ نے چاروں آئی جی صاحبان کو سیکیورٹی ہائی الرٹ رکھنے کی ہدایت کی ہے۔
سکندر سلطان راجہ نے کہا کہ جلد از جلد سیکیورٹی اہلکاروں کی تعیناتی کو مکمل کیا جائے، ووٹرز، ڈی آر اوز اور آر اوز کے دفاتر کو مکمل سیکیورٹی فراہم کی جائے۔
انھوں نے بلوچستان میں دہشتگردی کے واقعات پر دکھ اور افسوس کا اظہار کیا۔ انھوں نے ہدایت کی کہ ایسے واقعات کے فوری تدارک کیلئے اقدامات اٹھائے جائیں۔
