سانگھڑ سے سندھ اسمبلی کی نشست پی ایس 41 سے پی پی امیدوار علی حسن کی دھمکی آمیز تقریر پر الیکشن کمیشن نے نوٹس لے لیا ہے۔
اے آر وائی نیوز کے مطابق سانگھڑ سے سندھ اسمبلی کی نشست پی ایس 41 سے پیپلز پارٹی کے امیدوار علی حسن کی دھمکی آمیز تقریر پر الیکشن کمیشن نے نوٹس لے لیا ہے اور جوائنٹ الیکشن کمشنر سندھ اصغر سیال نے ضلع مانیٹرنگ ٹیم کو اس معاملے پر کارروائی کی ہدایت کی ہے۔
علی حسن ہنگورجو جو پی ایس 41 سانگھڑ سے پیپلز پارٹی کے ٹکٹ پر الیکشن لڑ رہے ہیں۔ انہوں نے مبینہ طور پر ووٹرز کو کھیلے عام دھمکی دی تھی۔
- Advertisement -
پی پی امیدوار نے مبینہ طور پر اپنی تقریر میں کہا تھا کہ ’’حکومت پی پی کی بننی ہے، سیدھے طریقے سے انکے حق میں ووٹ استعمال کرنا‘‘، ساتھ ہی یہ دھمکی بھی دی تھی کہ جس نے ووٹ نہ دیا، اس کا حشر دنیا دیکھے گی۔