اسلام آباد : اپوزیشن جماعتوں کے احتجاج کے پیش نظر الیکشن کمیشن کی سیکیورٹی اسلام آباد پولیس اور رینجر کے سپرد کردی گئی اور ناخوشگوار واقعہ سے نمٹنے کے لیے واٹر کینن بھی پہنچا دئیے گئے ہیں۔
تفصیلات کے مطابق پی ڈی ایم کے احتجاج کے پیش نظر الیکشن کمیشن کے باہر سخت سیکیورٹی کے انتظامات کئے گئے ہیں اور سیکیورٹی اسلام آباد پولیس اور رینجر کے سپرد کردی گئی ہے جبکہ ناخوشگوار واقعہ سے نمٹنے کے لیے واٹر کینن بھی پہنچا دئیے گئے ہیں۔
واچ ڈاگ کی مدد سے سرچنگ اور میٹل ڈیٹکٹر سے شاہراہ دستور کوکلیئر کرانے کا عمل جاری ہے ، اس موقع پر بی ڈی ایم بھی موجود ہے۔
ڈی آئی جی وقار الدین سید نے الیکشن کمیشن کا دورہ کیا ، جہاں ڈی آئی جی کو پولیس پلان سے متعلق بریف کیا گیا جبکہ وزارت داخلہ میں کنٹرول روم قائم کر دیا گیا ہے ، کنٹرول روم سے براہ راست احتجاج مانیٹر کیا جائے گا اور کنٹرول روم وزیر داخلہ کوتمام تر صورتحال سے آگاہ کرتا رہے گا۔
ڈی آئی جی وقار الدین سید تمام صورتحال کو مانیٹر کرتے رہیں گے اور آپریشن کی صورت میں متعلقہ مجسٹریٹ بھی موجود رہیں گے۔
دوسری جانب ڈی ایم جماعتوں کے الیکشن کمیشن کے باہر احتجاج کے حوالے سے سرکاری ابتدائی رپورٹ جاری کردی گئی ہے ، ذرائع کا کہنا ہے کہ الیکشن کمیشن کے اندراور باہر پولیس اور رینجرز کی بھاری نفری تعینات ہے جبکہ ریڈ زون پولیس کی بھاری نفری بھی موجود ہے۔
ذرائع کے مطابق پولیس اور رینجرز کی 1800سے اہلکارتعینات ہیں ، 8 سے 10 واک تھرو گیٹ نصب کیےگئےہیں اور بم ڈسپوزل کے اہلکار سوئپنگ کر رہے ہیں تاہم الیکشن کمیشن کےباہرٹریفک حسب معمول رواں دوا ہے۔
خیال رہے اپوزیشن جماعتیں آج الیکشن کمیشن کے باہراحتجاج کریں گی ، جس میں پی ڈی ایم فارن فنڈنگ کیس جلد نمٹانے کا مطالبہ کرے گی اور قائدین الیکشن کمیشن کویادداشت پیش کریں گے۔
مظاہرےکی قیادت پی ڈی ایم سربراہ مولانافضل الرحمان کریں گے جبکہ مریم نواز،شاہدخاقان،پرویزاشرف،احسن اقبال ، عبدالغفورحیدری،اکرم درانی، محمود اچکزئی، آفتاب شیرپاؤ یاں افتخار،میرکبیر،شاہ اویس نورانی،ساجدمیرودیگر بھی شرکت کریں گے۔
