اسلام آباد : سپریم کورٹ 5 رکنی بینچ کے فیصلے کے بعد الیکشن کمیشن نے پنجاب اور خیبرپختونخوا میں انتخابات کرنے کی تیاری کرلی۔
اس حوالے سے ذرائع کا کہنا ہے کہ چیف الیکشن کمشنر نے متعلقہ ذمہ داران کو انتخابی تیاریاں تیز کرنے کی ہدایت کردی۔
ذرائع کا کہنا ہے کہ ممکنہ طور پر دونوں صوبوں میں انتخابات کی تاریخ عیدالفطر کے بعد ہوگی، اعلان کردہ پولنگ ڈے میں ردو بدل کا اختیارالیکشن کمیشن کو نہیں ہوگا۔
الیکشن کمیشن ذرائع کے مطابق الیکشن کمیشن نے سپریم کورٹ احکامات پر من وعن عمل درآمد کا فیصلہ کیا ہے۔ الیکشن کمیشن نے کل ہی صدر اور گورنر کے پی کو مشاورت کیلئے خط لکھنے کا فیصلہ کرلیا ہے انتخابی شیڈول 54دن پرمحیط ہوگا۔
ذرائع کا مزید کہنا ہے کہ اداروں کے عدم تعاون پر آرٹیکل 220کا سہارا لیا جائے گا، اجلاس میں سپریم کورٹ کے احکامات پرعمل درآمد سے متعلق اہم فیصلے کل کیے جائیں گے۔
