ملتان : الیکشن ٹریبونل نے پی ٹی آئی رہنما شاہ محمود قریشی کی ملتان سے تمام اپیلیں مسترد کردیں اور کاغذات نامزدگی مسترد کرنے کا فیصلہ برقرار رکھا۔
تفصیلات کے مطابق الیکشن ٹریبونلز میں کاغذات نامزدگیوں سے متعلق اپیلوں پر سماعتیں جاری ہیں، پی ٹی آئی رہنما شاہ محمود قریشی کو ملتان کے حلقہ این اے ایک سو پچاس، این اے ایک سواکیاون ، پی پی دو سو اٹھارہ اور پی پی دو سو انیس سے الیکشن لڑنے کی اجازت نہ مل سکی۔
شاہ محمود قریشی کے کاغذات نامزدگی مسترد ہونے کے خلاف اپیلیں خارج کردی گئیں ، شاہ محمود کی این اے 150 ،151، پی پی 218 اور 219 سے کاغذات نامزدگی مسترد ہونے کے خلاف اپیلیں خارج ہوئیں۔
- Advertisement -
ایپلٹ ٹربیونل کے جج جسٹس سردارمحمدسرفرازڈوگر نے فیصلہ سنایا اور شاہ محمودقریشی کے کاغذات نامزدگی مسترد کرنے کا فیصلہ برقرار رکھا۔
