اسلام آباد: صدر مملکت ڈاکٹر عارف علوی نے سوشل میڈیا پر بیان جاری کیا ہے۔
عام انتخابات 2024 کی پولنگ مکمل ہونے کے بعد نتائج آنے کا سلسلہ جاری ہے جس میں غیر حتمی غیر سرکاری نتیجے کے مطابق آزاد امیدوار کی زیادہ تعداد اب تک کامیاب ہوئی ہے۔
صدر مملکت ڈاکٹر عارف علوی نے دیر سے نتائج آنے پر سوشل میڈیا پر جاری پیغام میں کہا کہ الیکٹرانک ووٹنگ مشینوں کیلئے ہماری طویل جدوجہد کو یاد رکھیں، ای وی ایم میں کاغذی بیلٹ کیساتھ سادہ الیکٹرانک کیلکولیٹر بھی تھ۔
صدرمملکت عارف علوی نے ٹوئٹ میں کہا کہ اس سادہ الیکٹرانک کیلکولیٹر میں ہر ووٹ بٹن دبانے کیساتھ گنا بھی جا سکتا تھا، ہر امیدوار کا نتیجہ پول ہونے کے 5 منٹ کے اندر دستیاب ہوتا اور پرنٹ بھی ہو جاتا۔
صدرِ پاکستان کا کہنا تھا کہ ہماری یہ جدوجہد جس کے لیے ایوان صدر میں 50 سے زائد میٹنگ ہوئیں وہ ناکام کی گئی، آج ای وی ایم ہوتی تو میرا یہ پیارا پاکستان اس بحران سے بچ جاتا۔
