کراچی: آئی جی سندھ رفعت مختار کا کہنا ہے کہ الیکشن کے دن کے حوالےسے پولیس کی تیاری مکمل ہے، کوشش ہے کل کے انتخابات پر امن ماحول میں ہوں۔
تفصیلات کے مطابق آئی جی سندھ رفعت مختار کی جانب سے بیان میں کہا گیا ہے کہ کوشش ہے کل کے انتخابات پر امن ماحول میں ہوں ، نارمل پولنگ اسٹیشن پر 5اہلکار ،حساس پر 6پولیس اہلکار تعینات ہوں گے۔
انتہائی حساس پولنگ اسٹیشنز پر 8،8پولیس اہلکار تعینات ہوں گے اور ناخوش گوار واقعے پر 5منٹ میں پولیس اور رینجرز رسپانس کرے گی۔
الیکشن مہم کے دوران کے 162 شکایات بھیجی گئیں جس پرشوکاز ،جرمانے کئے، الیکشن مہم کے دوران صوبے بھر میں تصادم کے 34 مقدمات درج ہوئے۔
میرپور خاص میں امیدوار پر حملہ ہوا لیکن ان کو گولی نہیں لگی، میرپورخاص میں امیدوار اکیلے سفر کر رہے تھے جب ان کی گاڑی پر فائرنگ کی گئی، قانون کو ہاتھ میں لینےکی کوشش پرسخت کارروائی کریں گے۔
ہماری نفری پولنگ اسٹیشنزپر تعینات ہوچکی ،ترسیل کاکام جاری ہے، الیکشن کے دن کے حوالےسے پولیس کی تیاری مکمل ہے۔
