اسلام آباد : الیکشن کمیشن آف پاکستان کی جانب سے عام انتخابات سے متعلق شکایات درج کرانے کے لیے پہلی مرتبہ واٹس ایپ استعمال کیا گیا۔
تفصیلات کے مطابق الیکشن کمیشن آف پاکستان نے عام انتخابات کی مانیٹرنگ کےلیے کنٹرول روم قائم کردیا۔
شکایات درج کرانے کے لیے پہلی مرتبہ واٹس ایپ استعمال کیا گیا ہے، ای میل اور یونیورسل فون نمبر پر پورے ملک سے شکایات درج کرائی جاسکتی ہیں۔
صوبائی سطح پر چار کنٹرول روم قائم کیےگئے ہیں جبکہ بتیس ریجنل مانیٹرنگ کنٹرول رومزانتخابی عمل کی نگرانی کررہےہیں اور ایک سو چوالیس ضلعی مانیٹرنگ ٹیمیں بھی شکایات کے ازالے کےلیے اقدامات کر رہی ہیں۔
چھبیس دسمبر سے اب تک چھ سو پچیس افراد کو نوٹسز جبکہ دو سو باون امیدواروں کوشوکاز نوٹس جاری کیے جا چکے ہیں۔
اس کے علاوہ ایک سو چھپن لوگوں کو ضابطہ اخلاق کی خلاف ورزی پر جرمانےہوئےہیں ، بارہ ہزار دوسو چھتیس وال چاکنگ اور ہورڈنگز کو ہٹایا گیا جبکہ دوسو اکیس شکایات میں سے ایک سو اٹھاون حل کی گئیں۔
