لاہور : مسلم لیگ ن کے قائد نواز شریف اور پارٹی صدر شہباز شریف کے کاغذات نامزدگی منظوری کیخلاف درخواست دائر کردی گئی۔
تفصیلات کے مطابق مسلم لیگ ن کے قائد نواز شریف کے کاغذات منظوری کیخلاف درخواست دائر کردی گئی ، لاہور ہائیکورٹ میں درخواست شہری شاہد اورکزئی نے دائر کی۔
درخواست میں مؤقف اختیار کیا گیا ہے کہ نواز شریف این اے130لاہور الیکشن لڑرہےہیں، نوازشریف سپریم کورٹ حملہ کیس میں ملوث ہیں اور سپریم کورٹ حملہ کیس عدالت میں زیرالتوا ہے۔
درخواست گزار کا کہنا تھا کہ ایپلٹ ٹربیونل نےحقائق کےبرعکس نوازشریف کےکاغذات منظورکئے، استدعا ہے کہ عدالت نواز شریف کے کاغذات نامزدگی منظوری کا فیصلہ کالعدم قرار دے۔
دوسری جانب استدعا لاہورہائیکورٹ میں سابق وزیراعظم شہباز شریف کے کاغذات نامزدگی منظوری کیخلاف بھی درخواست دائر کردی گئی ہے۔
درخواست شہری شاہد اورکزئی کی جانب سے دائر کی گئی، جس میں کہا گیا ہے کہ شہباز شریف سپریم کورٹ پر حملے میں ملوث ہیں ، ریٹرننگ افسر اور ٹریبونل نے کاغذات نامزدگی منظور کیے جو قانون کیخلاف ہے۔
درخواست میں استدعا کی گئی کہ عدالت کاغذات نامزدگی منظوری کالعدم قراردیکر شہبازشریف کوالیکشن لڑنے سے روکے۔
