لاہور: سینیٹرتاج حیدر نے این اے 127 میں کارکنوں کی گرفتاری پر چیف الیکشن کمشنر کو خط لکھ کر ذمہ داروں کے خلاف قانونی کارروائی کا مطالبہ کردیا۔
تفصیلات کے مطابق این اے 127 میں کارکنوں کی گرفتاری پر سینیٹرتاج حیدر نے چیف الیکشن کمشنر کو خط لکھا ، جس میں سینیٹر تاج حیدر نے ذمہ داروں کے خلاف قانونی کارروائی کا مطالبہ کردیا ہے۔
خط میں کہا گیا ہے کہ این اے127 سے بلاول بھٹو الیکشن لڑ رہے ہیں ، پی پی مہم میں شامل ہونیوالوں کوپولیس گرفتار کر رہی ہے، پی پی حمایت کے خواہشمند افراد کو منحرف کرنے کی کوشش کی جا رہی ہے۔
سینیٹر تاج حیدر کا کہنا تھا کہ پی ٹی آئی کے بعض کارکن پی پی میں شمولیت کا اعلان کیا انہیں پولیس نےپکڑ لیا، اسی طرح ن لیگ کونسلر خالدہ پروین کو بھی گزشتہ روز کر لیاقت آباد تھانے میں رکھا گیا۔
ہمارےمہم کےانچارج ذوالفقار علی بدر نے سی سی پی او سے رابطہ کیا ، بتایا گیا کہ خالدہ پروین کو4 ماہ پرانی ایف آئی آر کے تحت گرفتار کیا گیا، افسوس ہےکارکنوں کی رہائی کیلئے رابطے پرپولیس افسر نےنامناسب زبان استعمال کی۔
خدشہ ہے بروقت نہ روکا گیا تو فاشسٹ ہتھکنڈوں میں مزید اضافہ ہوگا، درخواست ہے مذکورہ افراد کی رہائی کا حکم اور ذمہ داروں کیخلاف کارروائی کی جائے۔
