The news is by your side.

Advertisement

بجلی کا کھمبا موت کی علامت بن گیا

نیو دہلی : بھارت میں ایک بے زبان جانور بجلی کے محکمے کی مجرمانہ غفلت کی بھینٹ چڑھ گیا، علاقہ مکینوں کا کہنا ہے کہ کئی بار شکایت کے باوجود کوئی اقدام نہیں کیا گیا۔

بھارتی دارالحکومت نئی دہلی سے متصل صنعتی شہر نوئیڈا میں انتظامیہ کی غفلت کا یہ عالم ہے کہ وہاں بنیادی ضروریات کی سہولت کیلئے بھی لوگوں کو اذیت ناک مراحل سے گزرنا پڑتا ہے۔

بھارتی دارالحکومت دہلی سے متصل صنعتی شہر نوئیڈا کو جہاں ایک طرف جدید اور ہائی ٹیک شہر ہونے کا دعویٰ کیا جاتا ہے۔ وہیں، نوئیڈا میں موجود سینکٹروں گاؤں و دیگر علاقوں میں ان دعوؤں میں تضاد پایا جاتا ہے۔

نوئیڈا شہر میں انتظامیہ کی مجرمانہ لاپرواہی کے باعث گزشتہ کئی دنوں سے بجلی کے ایک کھمبے میں کرنٹ پھیل گیا ہے جو شہریوں کی زندگی کیلئے خطرے کا نشان ہے۔

نوئیڈا کے سالار پور گاؤں میں لگے اس کھمبے میں کرنٹ آنے کی وجہ سے حادثات روز کا معمول بن گئے، گزشتہ روز ایک گائے ٹہلتی ہوئی اس کے قریب چلی گئی کہ اچانک کرنٹ لگنے سے وہیں چپک کر موقع پر ہی ہلاک ہوگئی۔

گاؤں والوں کا کہنا ہے کہ محکمہ بجلی کی لاپرواہی کی وجہ سے گاؤں میں اس طرح کے حادثات پیش آرہے ہیں۔ انہوں نے بتایا کہ اس سے قبل بھی ایک گائے کی کرنٹ سے موت ہو چکی ہے۔ پھر بھی محکمہ بجلی اور اتھارٹی نے اس سے کوئی سبق نہیں سیکھا۔

گاؤں والوں کے مطابق محکمہ بجلی سے بار بار شکایت کرنے کے بعد بھی عہدیدار توجہ نہیں دے رہے ہیں۔ محکمہ بجلی کی غفلت کے باعث اکثر گاؤں کے نالوں میں بھی کرنٹ آجاتا ہے اور کوئی سنوائی نہیں ہو رہی۔

Comments

یہ بھی پڑھیں