اسلام آباد : کراچی والوں کے لئے بجلی مزید 4 روپے 62 پیسے فی یونٹ سستی ہونے کا امکان ہے۔
تفصیلات کے مطابق کے الیکٹرک صارفین کے لئے بجلی مزید سستی ہونے کا امکان ہے۔
کے الیکٹرک نے ستمبر کی ماہانہ فیول ایڈجسٹمنٹ کی مد میں درخواست دائر کردی ، منظوری سے کے الیکٹرک صارفین کو 7 ارب 74 کروڑ روپے کا ریلیف ملے گا۔
- Advertisement -
نیپرااس حوالے سے 25 اکتوبر کو سماعت کرے گا ، سماعت کے بعد کمی کے حوالے سے حتمی فیصلہ کیا جائے گا۔
گذشتہ روز نیشنل الیکٹرک پاور ریگولیٹری اتھارٹی (نیپرا) نے کےالیکٹرک صارفین کے لیے بجلی 4 روپے 89 پیسے فی یونٹ سستی کردی تھی، کمی اگست کی ماہانہ فیول ایڈجسٹمنٹ کی مد میں کی گئی۔
نیپرا کا کہنا تھا کہ کمی کا اطلاق صرف 1 ماہ کے لیے ہوگا، لائف لائن صارفین اور 300 یونٹس تک کے گھریلو صارفین پر کمی کا اطلاق نہیں ہوگا۔
