اسلام آباد: نیپرا نے بجلی کی قیمت میں ایک روپے 14 پیسے فی یونٹ کمی کی منظوری دے دی ہے۔
اے آر وائی نیوز کے مطابق نیپرا نے اکتوبر کے ماہانہ فیول ایڈجسٹمنٹ چارجز کی مد میں بجلی کی قیمت میں کمی منظوری دی ہے۔
ڈسکوز کے تمام صارفین پر بجلی کی قیمتوں میں کمی کا اطلاق ہوگا، بجلی کی قیمتوں میں کمی کا اطلاق کے الیکٹرک صارفین پر نہیں ہوگا۔
نیپرا کا کہنا ہے کہ لائف لائن، پری پیڈ صارف اور الیکٹرک وہیکل چارجنگ اسٹیشنز پر بھی اس کا اطلاق نہیں ہوگا۔
واضح رہے کہ سی پی پی اے جی نے ایک روپے ایک پیسے فی یونٹ کمی کی درخواست جمع کروائی تھی، نیپرا نے درخواست پر 26 نومبر 2024 کو عوامی سماعت کی تھی۔
گزشتہ روز نیپرا نے بجلی کی قیمت میں 20 پیسے فی یونٹ اضافہ کریا تھا جبکہ یہ اضافہ رواں مالی سال کی سہ ماہی ایڈجسٹمنٹ مدمیں کیا گیا۔
نیپرا کا کہنا تھا کہ صارفین کو دسمبر کے بلوں میں اضافی ادائیگیاں کرنی ہوں گی جب کہ اضافے کا اطلاق کےالیکٹرک صارفین پربھی ہوگا۔
لائف لائن صارفین پر اضافےکااطلاق نہیں ہوگا۔
نیپرا کے مطابق سہ ماہی ایڈجسٹمنٹ کا فیصلہ نوٹیفکیشن سے پہلے وفاقی حکومت کو مطلع کر دیا گیا ہے۔
