ملک میں بجلی کا مجموعی شارٹ فال 6 ہزار میگا واٹ سے تجاوز کر گیا -
The news is by your side.

Advertisement

ملک میں بجلی کا مجموعی شارٹ فال 6 ہزار میگا واٹ سے تجاوز کر گیا

اسلام آباد : ملک میں بجلی کا مجموعی شارٹ فال 6 ہزار میگا واٹ سے تجاوز کر گیا، گرمی کی شدت میں کمی نہ آئی تو اوورلوڈنگ سے ترسیلی نظام بیٹھنے کا خدشہ بڑھ جائے گا۔

ملک میں بجلی کا بحران شدت اختیار کر گیا ہے، اس وقت ملک میں مجموعی شارٹ فال 6 ہزار میگاواٹ سے زائد ہے، بجلی کی طلب 21 ہزار میگاواٹ جبکہ پیدوار صرف پندرہ ہزار میگاواٹ ہے۔

ذرائع کے مطابق شہر اور گردونواح کے گرڈ اسٹیشنز اوورلوڈنگ کے باعث بند کیے جا رہے ہیں، شہر کے اکثر علاقوں میں لوڈشیڈنگ کا دورانیہ بڑھ گیا۔

ذرائع کا کہنا ہے کہ شہروں میں آٹھ سے دس جبکہ چھوٹے شہروں اور دیہات میں 14 گھنٹے تک کی لوڈشیڈنگ جاری ہے۔

این ٹی ڈی سی ذرائع کے مطابق اگر گرمی کی شدت کم نہ ہوئی تو اوورلوڈنگ کے باعث ترسیلی نظام بیٹھنے کا خدشہ ہے، شدید گرمی اور حبس کے باعث گزشتہ روز شہر کے ایک درجن سے زائد فیڈر کئی گھنٹے بند رکھے گئے تھے۔

Comments

comments

یہ بھی پڑھیں