اسپیس ایکس کے بانی اور سی ای او ایلون مسک نے کینیڈین وزیر اعظم جسٹن ٹروڈو پر ’اظہار آزادی کو کچلنے‘ کا الزام لگا دیا ہے۔
تفصیلات کے مطابق کینیڈا نے گزشتہ دنوں ’ریگولیٹری کنٹرولز‘ کے لیے آن لائن اسٹریمنگ سروسز کا حکومت کے ساتھ باضابطہ طور پر رجسٹر ہونا لازمی قرار دیا ہے، جس پر ایلون مسک کا رد عمل سامنے آیا ہے۔
ایلون مسک نے صحافی اور مصنف گلین گرین والڈ کی ایک پوسٹ کے جواب میں کینیڈا کے اس فیصلے کو شرمناک قرار دیتے ہوئے لکھا ’’ٹروڈو کینیڈا میں آزادئ اظہار کو کچلنے کی کوشش کر رہے ہیں۔‘‘
گلین والڈ نے سوشل میڈیا پلیٹ فارم ایکس پر ایک پوسٹ میں لکھا ’’کینیڈا کی حکومت کی آن لائن اسکیم دنیا کی سب سے جابرانہ اسکیم ہیں، اس نے اعلان کیا ہے کہ پوڈ کاسٹ چلانے والی تمام آن لائن اسٹریمنگ سروسز کو باضابطہ طور پر حکومت کے ساتھ رجسٹر ہونا چاہیے تاکہ ان پر ریگولیٹری کنٹرول نافذ کیا جا سکے۔‘‘
Trudeau is trying to crush free speech in Canada. Shameful. https://t.co/oHFFvyBGxu
— Elon Musk (@elonmusk) October 1, 2023
ایلون مسک نے گلین والڈ کا ٹوئٹ شیئر کرتے ہوئے لکھا ’’ٹروڈو کینیڈا میں آزادئ اظہار کو کچلنے کی کوشش کر رہے ہیں۔ شرمناک۔‘‘
واضح رہے کہ یہ پہلا موقع نہیں ہے جب ٹروڈو حکومت پر آزادئ اظہار کے خلاف کام کرنے کا الزام لگایا گیا ہو، ٹروڈو پر ماضی میں بھی آزادئ اظہار کے خلاف الزامات لگے ہیں۔
فروری 2022 میں کرونا ویکس کو لازمی بنانے کے فیصلے کی مخالفت کرنے والے ٹرک ڈرائیوروں کے احتجاج کو کچلنے کے لیے جسٹن ٹروڈو نے ملکی تاریخ میں پہلی مرتبہ اپنے لیے ہنگامی اختیارات کا مطالبہ کیا تھا۔
