ٹیسلا کے بانی ایلون مسک کی دولت میں اچانک اربوں ڈالر کی کمی ہوگئی۔
غیرملکی خبررساں ادارے کی رپورٹ کے مطابق گزشتہ روز ٹیسلا، اسپیس ایکس اور ٹوئٹر کے مالک ایلون مسک کے لیے ڈرامائی ثابت ہوا۔
ٹیسلا کی جانب سے جنوری سے مارچ کی سہ ماہی کے مالیاتی نتائج جاری کے گئے جس کے نتیجے میں الیکٹرک گاڑیاں تیار کرنے والی کمپنی کے حصص کی قیمت 9.75 فیصد کمی آئی۔
گزشتہ روز ایلون مسک کی کمپنی اسپیس ایکس نے دنیا کا سب سے بڑا اور طاقتور ترین راکٹ کی تجرباتی پرواز کی جو فضا میں 4 منٹ بعد ہی دھماکے سے تباہ ہوگیا۔
آج ایلون مسک نے اپنے وعدے کے مطابق 20 اپریل کو ٹوئٹر پر مفت ویریفائیڈ اکاؤنٹس سے بلیو ٹک ہٹا دیے۔ ان سب واقعات کے باعث ایلون مسک کی دولت پر بھی اثرات مرتب ہوئے۔
ایلون مسک کی دولت میں 24 گھنٹوں کے دوران 12.4 ارب ڈالرز کی کمی آئی اور یہ 2023 کے دوران پہلا موقع ہے جب ان کی دولت میں ایک دن کے اندر اتنی کمی آئی ہے اور اب ایلون مسک کے ثاثوں کی مالیت 164 ارب ڈالرز پر پہنچ گئی ہے۔
