کراچی: ایف بی آر پوسٹ کلیئرنس آڈٹ نے ایک بڑی کارروائی میں منی لانڈرنگ کا ایک بڑا اسکینڈل پکڑ لیا ہے۔
تفصیلات کے مطابق پوسٹ کلیئرنس آڈٹ نے 21 کروڑ ٹیکس چوری اور 5 سال میں ڈھائی ارب سے زائد جعلی مینوفیکچرنگ مشینری کے اسکینڈل کا انکشاف کیا ہے۔
ایف بی آر کے مطابق بوگس مینوفیکچرنگ یونٹ کا فراڈ ایمبرائیڈری مشینری اسکینڈل میں پکڑا گیا ہے، معلوم ہوا کہ جعلی مینوفیکچرنگ یونٹ کے نام پر ایمبرائیڈری مشینری درآمد کی گئی۔
ایف بی آر کا کہنا ہے کہ جعل ساز کمپنی نے اربوں روپے مالیت کی مشینری پر 21 کروڑ 80 لاکھ روپے کی ڈیوٹی چوری کی، اور جعلی مینوفیکچرنگ یونٹ کے نام پر جعلساز کمپنی نے 5 سال میں 2 ارب 40 کروڑ روپے کی مشنیری درآمد کی۔
70 کروڑ روپے کی مہنگی گھڑیوں کی فروخت پر کتنا ٹیکس بنتا ہے؟ ایف بی آر نے چوری پکڑ لی
ٹیکس چوری پر شیر شاہ کے علاقے میں موجود جعل ساز کمپنی ایم ایس سلیمان انڈسٹریز کے خلاف کسٹم ایکٹ کے تحت ایف آئی آر درج کر لی گئی ہے۔
