کراچی : جدہ سے سیالکوٹ جانیوالی پی آئی اے کی پرواز کو اسموگ الارم بجنے پر طیارے کو جدہ ایئرپورٹ پر ایمرجنسی لینڈنگ کرنا پڑگئی۔
تفصیلات کے مطابق جدہ سے سیالکوٹ جانیوالی پی آئی اے کی پرواز کے کاکپٹ میں اسموگ الارم بجنا شروع ہوگیا، جس پر کپتان نے ایئر ٹریفک کنٹرولر سے رابطہ کیا اور طیارے کی جدہ ایئرپورٹ پر ایمرجنسی لینڈنگ کی۔
بوئنگ 777 طیارے کے اڑان بھرنے کے کچھ ہی دیر بعد کاکپٹ میں اسموگ الارم کی وارننگ آگئی، پرواز پی کے746 نے جدہ سے سیالکوٹ کیلئے اڑان بھری تھی، پرواز میں375مسافر سوار تھے۔
جدہ ایئرپورٹ پر پی آئی اے کے انجینئرز کو طلب کرلیا گیا، طیارے کی چیکنگ کے بعد پرواز کو سیالکوٹ کے بجائے کراچی روانہ کیا جائے گا۔
ایئر پورٹ ذرائع کے مطابق کراچی سے طیارہ تبدیل کرنے کے بعد مسافروں کو سیالکوٹ روانہ کیا جائے گا۔
Comments
- Advertisement -