کراچی: اماراتی ایئر لائن نے 20 اپریل سے ٹورنٹو کے لیے یومیہ پروازیں آپریٹ کرنے کا اعلان کر دیا ہے۔
تفصیلات کے مطابق یو اے ای اور کینیڈا کے درمیان توسیع شدہ فضائی نقل و حمل کے معاہدے پر عمل درآمد شروع ہو گیا، ایمریٹس ایئرلائن دبئی سے ٹورنٹو کے لیے ہفتے میں 2 پروازوں کا اضافہ کر دیا گیا ہے۔
ایئر لائن کے ترجمان نے کہا کہ 20 اپریل سے مسافروں کی سہولت اور ان کی مانگ کو پورا کرنے کے لیے مصروف روٹ پر اب روزانہ پروازیں آپریٹ ہوں گی۔
- Advertisement -
چیف کمرشل آفیسر عدنان کاظم نے کہا کہ ایمریٹس متحدہ عرب امارات اور کینیڈا کے درمیان فضائی خدمات کے معاہدے میں توسیع کو خوش آمدید کہتا ہے۔
ان کا کہنا تھا کہ اس معاہدے کے تحت دونوں ممالک میں فضائی رابطوں اور سیاحت کے شعبوں کو فروغ حاصل گا۔
