لاہور: ضلعی انتظامیہ نے زمان پارک کے اطراف تجاوزات ختم کر دیں۔
تفصیلات کے مطابق پی ٹی آئی چیئرمین عمران خان کی رہائش گاہ کے قریب زمان پارک کے اطراف قائم تجاوزات ختم کر دی گئیں، متعلقہ ادارے اب زمان پارک کو اصل شکل میں بحال کرنے میں مصروف ہیں۔
زمان پارک میں ضلعی انتظامیہ نے نگراں وزیر اعلیٰ پنجاب محسن نقوی کے حکم پر گزشتہ رات تجاوزات کے خلاف آپریشن شروع کیا تھا، اس دوران زمان پارک اور عمران خان کی رہائش گاہ کے قریب لگے کیمپ ختم کیے گئے، اور کنٹینر بھی ہٹائے گئے۔
تاہم مال روڈ سے بذریعہ کینال روڈ زمان پارک آنے والے راستے بدستور بند ہیں۔
