The news is by your side.

انگلینڈ کی ٹیم اپنا باورچی لانے کے باوجود بدہضمی کا شکار

راولپنڈی: انگلش ٹیم اپنا باورچی لانے کے باوجود بدہضمی کا شکار ہوگئے۔

اے آر وائی نیوز کے مطابق 17 سال بعد پاکستان آئی مہمان ٹیم اپنے ساتھ باورچی بھی لے کر آئی تھی، تاہم اپنا اپنا باورچی لانے کے باوجود کپتان بدہضمی کا شکار ہوگئے ہیں۔

انگلینڈ کرکٹ ٹیم اپنے دورہ پاکستان میں باورچی کو بھی ساتھ لائی تھی یہ پہلا موقع تھا کہ کوئی شیف برطانوی ٹیم کے اسکواڈ میں شامل ہوا۔

انگلش ٹیم اپنا باورچی لانے کے باوجود بدہضمی کا شکار ہوگئے، جس سے انگلش ٹیم کے کپتان بین اسٹوکس بھی متاثر ہوئے اس لیے ٹرافی کی رونمائی کیلئے نہیں آئیں گے۔

ذرائع کے مطابق بین اسٹوکس کی جگہ جو روٹ ٹرافی کی رونمائی اور پریس کانفرنس کرینگے، اس کے علاوہ راولپنڈی اسٹیڈیم میں انگلینڈ کے صرف 5کھلاڑی پریکٹس کے لئے آئے ہیں۔

ای سی بی کے مطابق انگلینڈ ٹیسٹ اسکواڈ کے متعدد کھلاڑی اور آفیشلز آج ہوٹل میں ہی ٹھہریں گے، کھلاڑیوں اور آفیشلز کو ہوٹل میں مکمل آرام کرنے کی ہدایت کی گئی ہے۔

واضح رہے کہ اسکواڈ کے ہمراہ باورچی بھیجنے کا فیصلہ انگلش ٹیم کے گزشتہ دورہ پاکستان اور ٹی ٹوئنٹی میچز کے دوران کھلاڑیوں کے پیٹ خراب ہونے کے باعث کیا گیا تھا۔

پاکستان اور انگلینڈ کے درمیان پہلا ٹیسٹ کل یکم دسمبر سے 5 دسمبر تک راولپنڈی میں کھیلا جائے گا، جس کے بعد دونوں ٹیمیں ملتان جائیں گی جہاں دوسرا ٹیسٹ 9 سے 13 دسمبر تک کھیلا جائے گا۔

Comments

یہ بھی پڑھیں