کراچی: پاکستان اور انگلینڈ کے درمیان نیشنل اسٹیڈیم کراچی میں کھیلے جانے والے پہلے ٹی 20 میچ میں انگلش ٹیم میدان میں سیاہ پٹیاں باندھ کر اتری۔
تفصیلات کے مطابق انگلش ٹیم نے آج منگل کو جب پاکستان کے خلاف ٹی ٹوینٹی سیریز کے پہلے میچ میں ٹاس جیت کر پاکستان ٹیم کو بیٹنگ کی دعوت دی تو پوری ٹیم میدان میں ملکہ برطانیہ کو خراج عقیدت پیش کرنے کے لیے سیاہ پٹیاں باندھ کر اتری۔
میچ شروع ہونے سے قبل دونوں ٹیموں کے کھلاڑیوں نے قطار میں کھڑے ہو کر نہ صرف ملکہ برطانیہ کی یاد، بلکہ پاکستان کے سیلاب زدگان کے لیے ایک منٹ کی خاموشی بھی اختیار کی۔
پہلا ٹی ٹوئنٹی: انگلینڈ نے ٹاس جیت لیا
Players observed a minute’s silence for the flood victims in Pakistan and in remembrance of Queen Elizabeth II before the start of play.#PAKvENG | #UKSePK pic.twitter.com/qUnugBGNdP
— Pakistan Cricket (@TheRealPCB) September 20, 2022
واضح رہے کہ کراچی کے نیشنل اسٹیڈیم میں اس وقت انگلینڈ اور پاکستان کے مابین پہلا ٹی ٹوینٹی میچ جاری ہے، انگلینڈ کی ٹیم 17 سال بعد پاکستان کا دورہ کر رہی ہے، اپنے دورے کے پہلے مرحلے میں وہ 7 ٹی ٹوئنٹی میچز کھیلے گی۔
