تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

قطری باشندے کن شرائط کے ساتھ سعودی عرب آ سکتے ہیں؟

ریاض: قطری باشندوں کی مملکت آمد کے لیے شرائط کیا ہیں؟ سعودی وزارت داخلہ نے تفصیلات جاری کر دیں۔

عرب میڈیا کے مطابق سعودی عرب نے قطر کے ساتھ سرحدیں کھولنے کا اعلان کیا ہے تاہم قطری شہریوں کو مملکت آنے کے لیے سعودی وزارت داخلہ کی مقرر کردہ شرائط پوری کرنا ہوں گی۔

وزارت داخلہ کے مطابق کرونا وبا کے پیش نظر سب سے پہلی شرط پی سی آر سرٹیفکیٹ کی ہے، شہریوں کو کرونا ٹیسٹ رپورٹ پیش کرنی ہوگی، دوسری شرط یہ ہے کہ شہریوں کو 3 یا 7 روز تک گھروں میں آئسولیٹ ہونا پڑے گا۔ بتایا گیا ہے کہ پی سی آر ٹیسٹ منفی آنے کی صورت ہی میں قطری باشندوں کو مملکت آنے کی اجازت دی جائے گی۔

ان شرائط پر عمل درآمد کے لیے سعودی وزارت صحت نے قطر سے ملنے والی سرحدی چیک پوسٹ سلوی پر میڈیکل عملہ تعینات کر دیا ہے۔ چیک پوسٹ پر قطر سے آنے والے افراد سے یہ اقرار نامہ لیا جائے گا کہ وہ ہاؤس آئسولیشن کی پابندی کریں گے۔

واضح رہے کہ قطر کے ساتھ بری، بحری اور فضائی سرحدیں کھولنے کا فیصلہ العلا میں جی سی سی اعلامیے میں اس یقین دہانی کے بعد کیا گیا ہے کہ اعلامیے پر دستخط کرنے والے ممالک خلیجی ریاستوں میں اتحاد و اتفاق کی پابندی کریں گے، اور کوئی بھی دوسرے کے لیے خطرات پیدا نہیں کرے گا، نہ ایک دوسرے کے اندرونی معاملات میں مداخلت کیا جائے گا۔

Comments

- Advertisement -