The news is by your side.

ریٹائرمنٹ کے بعد مورگن کو نئی نوکری مل گئی

لندن: گذشتہ روز تمام طرز کی کرکٹ سے ریٹائر ہونے والے سابق انگلش کرکٹر ایون مورگن کو نئی نوکری مل گئی۔

غیر ملکی میڈیا رپورٹ کے مطابق مورگن انڈیا انگلینڈ کے درمیان ہونے والی سیریز میں کمنٹیٹر کے فرائض انجام دینگے،بھارت دورہ انگلینڈ میں تین ون ڈے جبکہ تین ٹوئنٹی میچز کھیلے گی، اسی سیریز کے ساتھ ہی ایون مورگن اپنے کمنٹری کیریئر کا آغاز کریں گے۔

واضح رہے کہ گذشتہ روز انگلینڈ کی تاریخ کے عظیم ترین کپتان کی حیثیت سے جانے والے مورگن نے کرکٹ کو الوداع کہہ دیا تھا، وہ بھی ایسے وقت میں جب رواں سال ٹی20 ورلڈ کپ کی تیاریاں شروع ہوچکی تھیں، جس کی بنیادی وجہ مورگن طویل عرصے سے آؤٹ آف فارم ہونا بتایا گیا ہے۔

یہ بھی پڑھیں: انگلش کپتان مورگن نے ریٹائرمنٹ کا اعلان کر دیا

مورگن رواں سال کے آخر میں آسٹریلیا میں ہونے والے ٹی ٹوئنٹی ورلڈ کپ میں انگلینڈ کی قیادت کرنا چاہتے تھے لیکن گزشتہ اٹھارہ ماہ کے دوران ناقص فارم اور فٹنس کے باعث انہوں نے انٹرنیشنل کرکٹ سے کنارہ کشی اختیار کرنے کا فیصلہ کیا۔

مورگن نے رواں ماہ نیدرلینڈز میں ایک روزہ سیریز میں انگلش ٹیم کی قیادت کی تھی جس میں وہ انجری کے باعث خاطر خواہ کارکردگی دکھانے میں ناکام رہے نیدرلینڈز کیخلاف ون ڈےسیریزمیں وہ دوبار گولڈن ڈک پرآؤٹ ہوئے۔

یاد رہے کہ ایون مورگن کی کپتانی میں انگلینڈ ٹیم 2019 کا ورلڈکپ اپنے نام کرچکی ہے۔

Comments

یہ بھی پڑھیں