واشنگٹن: امریکی رکن کانگریس ایرک سوالویل نے چیئرمین پی ٹی آئی عمران خان کو سیاسی اختلاف پر دھمکانا اور گرفتاری کی کوشش ناقابل قبول قرار دے دی۔
تفصیلات کے مطابق امریکی رکن کانگریس ایرک سوالویل نے پاکستان کی موجودہ صورتحال پر سماجی رابطے کی ویب سائٹ ٹوئٹر پر پیغام میں لکھا پاک امریکا تعلقات علاقائی استحکام اور سلامتی کے لیے اہم ہیں۔
ایرک سوالویل کا کہنا تھا کہ حکومت کی عمران خان کو سیاسی اختلا ف پر دھمکانا اورگرفتاری کی کوشش اور ان کے حامیوں پر تشدد نا قابل قبول ہیں۔
امریکی رکن کانگریس نے کہا کہ ایسی صورتحال ہمارے دیرینہ دوطرفہ تعلقات کیلئے خطرہ ہے، فریقین تشدد سے بچنے کے لیے پرامن سیاسی عمل میں شامل ہوں۔
The US-Pakistan relationship is critical to regional stability & security. The current government’s efforts to silence political disagreements by threatening to arrest fmr. PM Imran Khan & violently cracking down on his supporters is unacceptable
— Rep. Eric Swalwell (@RepSwalwell) March 16, 2023
ڈیموکریٹ رکن کانگریس ایرک سوالویل ایوان کی جوڈیشری اورہوم لینڈ کمیٹیوں کے رکن ہیں۔
