استنبول: ترکی کے شہرہ آفاق ڈرامے ارطغرل غازی میں مرکزی کردار ادا کرنے والے اداکار ایگین آلتن کی نئی تصاویر سامنے آگئیں۔
ایگین آلتن نے سماجی رابطے کی فوٹو اور ویڈیو شیئرنگ ویب سائٹ انسٹاگرام پر اپنی نئی تصاویر شیئر کی جس میں وہ ساحل پر موجود ہیں۔
اس تصویر میں ترک اداکار نے سردیوں کے حوالے سے کپڑے زیب تن کیے جس کا مطلب ہے کہ وہ موسم سرما سے محظوظ ہونے کے لیے ساحل پر گئے تھے جبکہ وہ ایک تصویر میں کیمرہ ہاتھ میں تھامے فوٹو گرافی بھی کررہے ہیں۔
اگین آلتن کی اس تصویر کو چند گھنٹوں میں 6 لاکھ سے زائد صارفین نے پسند کیا جبکہ سیکڑوں صارفین نے اس پر تبصرے کرتے ہوئے ایک بار پھر انہیں خوبصورت قرار دیا۔
View this post on Instagram
واضح رہے کہ سلطنتِ عثمانیہ کے حوالے سے بنائے جانے والے ڈرامے میں ارطغرل غازی کا کردار ادا کرنے والے ترک اداکار سماجی رابطے کی ویب سائٹ پر متحرک رہتے ہیں اور وہ وقتاً فوقتاً اپنی تصاویر مداحوں کے ساتھ شیئر کرتے ہیں۔
مزید پڑھیں: ترک ڈرامے “ارطغرل غازی” کا سپاہی روشان پاکستان پہنچ گیا
یہ بھی پڑھیں: ارطغرل غازی کی پاکستانی عوام کو جشنِ آزادی کی مبارکباد
انسٹاگرام پر اُن کے فالوورز کی تعداد 37 لاکھ ہے جبکہ وہ صرف 156 آئی ڈیز کو فالو کررہے ہیں۔ انہوں نے اپنے انسٹاگرام اکاؤنٹ پر اب تک 152 پوسٹیں شیئر کیں ہیں جنہیں مداحوں اور صارفین نے بہت پسند کیا۔
View this post on Instagram
واضح رہے کہ سلطنتِ عثمانیہ کے حوالے سے بنایا جانے والے ترک ڈرامے کو اردو زبان میں پیش کرنے کے بعد ارطغرل غازی کو بہت زیادہ شہرت ملی، جس کے بعد جنوبی ایشیا میں ڈرامے میں کام کرنے والے اداکاروں کے مداحوں کی تعداد بڑھ گئی۔
ترک ڈرامے ارطغرل غازی نے نشر ہوتے ہی پاکستان میں مقبولیت کے نئے ریکارڈ بنائے تھے اور پہلی قسط کے ویوز کا ریکارڈ قائم ہوا جسے اب تک 7 کروڑ سے زائد بار دیکھا جاچکا ہے، یہ پاکستان میں کسی بھی ڈرامے کی ایک قسط کو سب سے زیادہ دیکھے جانے کا ریکارڈ ہے۔
View this post on Instagram
پاکستانیوں کی جانب سے دی جانے والی محبت کے بعد ارطغرل غازی میں کام کرنے والے ترک اداکاروں نے پاکستان آنے کا اعلان بھی کیا مگر کرونا کی وجہ سے کوئی پاکستان نہیں آسکا البتہ انہوں نے متعدد بار پاکستانی ناظرین کا خصوصی شکریہ بھی ادا کیا۔
View this post on Instagram
