استنبول: عثمانیہ سلطنت پر بنائے جانے والے شہرہ آفاق ڈرامے ارطغرل غازی میں علی یار بے کا کردار ادا کرنے والے اداکار شوٹنگ کے دوران زخمی ہوگئے۔
ترک میڈیا رپورٹ کے مطابق اداکار کیم یوکین اور ارطغرل غازی کے علی یار بے اپنے نئے پروجیکٹ کی شوٹنگ میں مصروف تھے کہ اسی دوران اُن کے ساتھ حادثہ پیش آیا، جس میں وہ زخمی ہوئے۔
حادثے کے بعد ترک اداکار کیم یوکین کو زخمی حالت میں اسپتال منتقل کیا گیا۔ جہاں ڈاکٹرز نے معائنے کے بعد اُن کے ہاتھ کا ایکسرے کیا تو معلوم ہوا کہ اُن کے ہاتھ میں فریکچر ہوا ہے۔
مزید پڑھیں: ارطغرل غازی کے ابن العربی سے متاثر ہوکر امریکی خاتون کا قبولِ اسلام
علی یار بے کی تصاویر سوشل میڈیا پر وائرل ہوئیں تو دنیا بھر میں موجود لاکھوں پرستاروں نے اُن کی جلد صحت یابی کے لیے دعا کی۔
واضح رہے کہ سلطنتِ عثمانیہ کے حوالے سے بنائے جانے والے ترک ڈرامے کو اردو زبان میں پیش کرنے کے بعد ارطغرل غازی کو بالخصوص جنوبی ایشیا بہت زیادہ شہرت ملی۔
View this post on Instagram
ترک ڈرامے ارطغرل غازی نے نشر ہوتے ہی پاکستان میں مقبولیت کے نئے ریکارڈ بنائے تھے اور پہلی قسط کے ویوز کا ریکارڈ قائم ہوا جسے اب تک کروڑوں صارفین دیکھ چکے ہیں۔