دبئی: پاکستان سپرلیگ کےچیئرمین نجم سیٹھی کا کہناہےکہ فاسٹ باؤلرمحمد عرفان سےانکوائری کی گئی ہےلیکن انہیں فی الحال معطل نہیں کیاگیاہے۔
تفصیلات کےمطابق چیئرمین پی ایس ایل نجم سیٹھی نے سماجی رابطے کی ویب سائٹ ٹویٹر پراپنے پیغام میں کہاہےکہ فاسٹ باؤلر محمد عرفان سے انکوائری کی گئی اورانکوائری جاری رہےگی،تاہم انہیں فوری معطلی کا سامنا نہیں ہے۔
1/3: PCB ACU has questioned M Irfan. Inquiry will continue. He does not face any immediate suspension.
— Najam Sethi (@najamsethi) February 11, 2017
نجم سیٹھی نے اپنی ایک اورٹویٹ میں کہاکہ پاکستان کرکٹ بورڈ کےاینٹی کرپشن یونٹ نےشاہ زیب حسن اور ذوالفقار بابر سے بھی سوالات کیے ہیں لیکن وہ اپنے میچز کھیلے گے۔
سماجی رابطے کی ویب سائٹ پرچیئرمین پاکستان سپرلیگ کاکہناہےکہ پی سی بی کا اینٹی کرپشن یونٹ پی ایس ایل کو کرپشن سے محفوظ بنانے کےلیےمتحرک رہےگا۔
3/3: PCB ACU will remain vigilant and continue to protect @thePSLt20 from the menace of corruption.
— Najam Sethi (@najamsethi) February 11, 2017
مزید پڑھیں:پی ایس ایل: اسپاٹ فکسنگ کا انکشاف، شرجیل خان اور خالد لطیف ایونٹ سے باہر
واضح رہےکہ گزشتہ روزپاکستان سپر لیگ میں اسپاٹ فکسنگ کےانکشاف پرپی سی بی نے اسلام آباد یوئانیٹڈ کے دو کھلاڑیوں شرجیل خان اور خالد لطیف کو معطل کرتے ہوئے ایونٹ سے باہر کردیاتھا۔
