یو اے ای کی پرچم بردار کمپنی اتحاد ایئرویز نے 2024 کے آغاز کے موقع پر ہندوستان کے لیے دو نئی خدمات متعارف کروادیں۔
غیر ملکی ذرائع ابلاغ کے مطابق اتحاد ایئرویز نے اعلان کیا کہ ابوظہبی سے کوزی کوڈ (CCJ) اور ہندوستان کے علاقے کیرالہ میں ترواننت پورم (TRV) کے لیے روزانہ کی پروازیں نئے سال کے دن شروع ہوئیں۔
اتحاد کے سی ای او اینٹونوالڈو نیوس کا کہنا ہے کہ ”ہم نے ہندوستان اور ابوظہبی کے درمیان نان اسٹاپ راستوں کا ایک شاندار گروپ قائم کیا ہے“ جو صارفین کو ہندوستان کے اہم ہوائی اڈوں میں سے کسی ایک سے گزرے بغیر ہمارے بڑھتے ہوئے نیٹ ورک تک آسان رسائی فراہم کرتا ہے۔
ان منزلوں کے لیے نان اسٹاپ خدمات سے اتحاد کے ہندوستانی گیٹ ویز کی کل تعداد 10 ہوگئی ہے۔
مزید برآں، اتحاد ایئر ویز نے ممبئی اور دہلی کے لیے پروازوں کی فریکوئنسی کو بھی بڑھا دیا ہے، جو اس کے دو سب سے مشہور روٹس ہیں،2023 میں، ایئر لائن نے کولکتہ کے لیے خدمات دوبارہ شروع کیں۔
2024 کے لیے، اتحاد نے پہلے ہی بوسٹن،امریکا کے لیے نئی پروازوں کا اعلان کر دیا ہے، جو 31 مارچ سے نیروبی، کینیا کے لیے یکم مئی سے شروع ہو رہی ہے، اور اس کے موسم گرما کے شیڈول میں نیس، فرانس کے لیے ایک افتتاحی نان اسٹاپ سروس اور یونانی جزائر کے لیے براہ راست پروازیں شامل ہیں۔
نیویس کا کہنا ہے کہ ”ابو ظہبی میں ہموار اور عملی رابطے اس بات کو یقینی بناتے ہیں کہ ہمارے مہمان GCC، یورپ بشمول لندن اور شمالی امریکہ کے لیے منزلوں تک آسانی سے رسائی حاصل کر سکیں۔
اتحاد ایئرویز نے دلوں کو چھو لینے والی مہم متعارف کرادی
مزید برآں، وہ ابوظہبی میں اپنے سفر کے ایک لازمی حصے کے طور پر ایک شاندار اسٹاپ اوور سے لطف اندوز ہوسکتے ہیں۔
