The news is by your side.

فرانس کی یوکرین کو طویل المدت حمایت کی یقین دہانی

فرانس کے صدر ایمانوئل میکرون نے یوکرین کو طویل المدت حمایت کی یقین دہانی کروا دی۔

فرانسیسی صدر ایمانوئل میکرون کا کہنا ہے کہ یوکرین کے لیے یورپی یونین کی حمایت طویل مدت تک جاری رہے گی کیونکہ وہ روس کے حملے کے خلاف گزشتہ 6 ماہ سے جدوجہد جاری رکھے ہوئے ہے۔

میکرون نے کیف میں کریمیا پلیٹ فارم کانفرنس کے شرکاء سے ایک ویڈیو خطاب میں کہا کہ تنازعہ شروع ہونے کے چھ ماہ بعد "ہمارا عزم تبدیل نہیں ہوا ہے اور ہم اس کوشش کو طویل مدت تک برقرار رکھنے کے لیے تیار ہیں۔

دوسری جانب یوکرین کے صدر ولادیمیر زیلنسکی نے یہ کہہ کر کریمیا پر ایک بین الاقوامی کانفرنس کا آغاز کیا کہ کیف روس کے ساتھ الحاق شدہ علاقے پر یوکرین کی حکمرانی بحال کرے گا۔

Comments

یہ بھی پڑھیں