برسلز: یورپی یونین (ای یو) نے توانائی بحران سے بچنے کے لیے قدرتی گیس کی قیمتوں کو محدود کرنے پر اتفاق کیا ہے۔
غیر ملکی میڈیا رپورٹ کےت مطابق یورپی یونین کے رکن ممالک نے توانائی کی فراہمی کی حفاظت کو یقینی بنانے کی کوشش میں بلاک میں قدرتی گیس کی قیمتوں کو 180 یورو (191 امریکی ڈالر) فی میگا واٹ گھنٹہ تک محدود کرنے پر اتفاق کیا ہے۔
یورپی یونین کے توانائی کے وزراء کے اجلاس کی صدارت کرنے والے جوزف سکیلا نے کہا کہ ہم گیس کی قیمت کی حد کے بارے میں ایک انتہائی اہم معاہدے تک پہنچنے میں کامیاب ہو گئے ہیں۔
انہوں نے بتایا کہ اس طرح یورپ کے پاس اگلے موسم سرما کی تیاری اور شہریوں و کاروباری اداروں کو قیمتوں کے انتہائی اتار چڑھاؤ سے بچانے کے لیے اقدامات کا ایک پیکج ہوگا۔
یورپی انرجی کا اس حوالے سے کہنا تھا کہ وزراء نے مارکیٹ میں اصلاحات کے طریقہ کار کے لئے یورپی کمیشن کی تجویز کے ایک سمجھوتے پر پہنچ کر توانائی کے بحران سے نمٹنے کے لیے ایک اور جرات مندانہ قدم اٹھایا ہے۔
