The news is by your side.

Advertisement

آج بھی خود کو فن کا ایک طالبعلم سمجھتا ہوں، وسیم عباس

کراچی : سینئر اداکار وسیم عباس نے کہا ہے کہ کوئی بھی پرفیکٹ نہیں ہوسکتا کیونکہ کسی بھی شعبے میں ہر روز کچھ نیا سیکھنے کو ملتا ہے۔

تفصیلات کے مطابق پاکستانی شوبز انڈسٹری کے سینئر اداکار وسیم عباس نے کہا ہے کہ اداکاری ایک مشکل آرٹ ہے اور فنکار کی پوری زندگی اس کی باریکیوں کو سمجھنے میں گزر جاتی ہے۔

ان کا کہنا تھا کوئی بھی پرفیکٹ نہیں ہو سکتا کیونکہ کسی بھی شعبے میں ہر روز کچھ نیا سیکھنے کو ملتا ہے۔

وسیم عباس نے خصوصی گفتگو کرتے ہوئے کہا کہ تھیٹر، ٹی وی اور فلموں پر کام کرچکا ہوں اور ذاتی پروڈکشن بھی کی ہے، میں نے ایک بھرپور زندگی گزاری ہے اور اس سے مطمئن ہوں۔

انہوں نے کہا کہ لاہور ڈرامہ انڈسٹری کا مرکز تھا مگر چند نا اندیش لوگوں کی وجہ سے ڈرامہ انڈسٹری کراچی منتقل ہو گئی اور اسی وجہ سے بہت سارے فنکاروں کو لاہور چھوڑ کر کراچی شفٹ ہونا پڑا۔

اداکار وسیم عباس نے کہا کہ مجھے شوبز میں کام کرتے ہوئے طویل عرصہ گزر چکا ہے مگر آج بھی خود کو فن کا ایک طالبعلم سمجھتا ہوں ۔

fb-share-icon0
Tweet 20

Comments

comments

یہ بھی پڑھیں