کابل: افغان دارالحکومت کابل میں یونیورسٹی کے قریب دھماکے کے نتیجے میں 6 افراد ہلاک جبکہ 27 افراد زخمی ہوگئے۔
تفصیلات کے مطابق جمعہ کی صبح کابل یونیورسٹی کے قریب زور دھماکا ہوا جس کے نتیجے میں 6 افراد ہلاک جبکہ 27 افراد زخمی ہوگئے۔
افغان میڈیا کے مطابق دھماکے کے نتیجے میں یونیورسٹی کے قریب 2 گاڑیوں میں آگ بھڑک اٹھی، دھماکے کے وقت طلبہ کی بڑی تعداد یونیورسٹی کے باہر موجود تھی۔ کابل پولیس کے مطابق دھماکا یونیورسٹی کے قریب نصب آئی ای ڈی سے کیا گیا۔
افغانستان، قندھار میں پولیس ہیڈ کوارٹر پرطالبان کا حملہ، 12 افراد ہلاک
یاد رہے کہ گزشتہ روز افغانستان کے صوبے قندھار میں پولیس ہیڈ کوارٹر پر طالبان کے حملے کے نتیجے میں 12 افراد ہلاک ہوگئے تھے۔
افغان میڈیا کے مطابق ہلاک ہونے والوں میں پولیس اہلکار اور 7 شہری بھی شامل تھے، پولیس اور طالبان میں 2 گھنٹے تک جھڑپ جاری رہی۔
افغان فورسز اور طالبان کے درمیان جھڑپیں، 20 افغان کمانڈوز ہلاک
واضح رہے کہ دو روز قبل افغان صوبے بادغیس میں طالبان نے افغان کمانڈوز پر گھات لگا کر حملہ کیا تھا جس کے نتیجے میں 20 افغان کمانڈوز ہلاک ہوگئے تھے۔