یو اے ای : دبئی میں مقیم وہ مقامی اور غیر مقامی افراد جنہوں نے اب تک کورونا ویکسین نہیں لگوائی ہے ان کی سہولت کیلئے حکام نے ڈرائیو تھرو خدمات شروع کرنے کا فیصلہ کیا ہے۔
اس حوالے سے ڈی ایچ اے کا ایکسپو 2020ایمرجنسی سینٹر زائرین کو صحت کی جامع سروسز فراہم کرے گا۔ مشرق وسطیٰ افریقہ اور جنوب مشرقی ایشیا میں پہلی بار منعقد ہونے کے بعد یہ عظیم منصوبہ یکم اکتوبر سے دبئی میں چھ ماہ کیلئے کام کا آغاز کرے گا۔
دبئی میں سیکورٹی عہدیدار شیخ محمد نے ابتدائی طور پر اس آپریشن سینٹر کے کام کا جائزہ لیا، 134 یونٹس میں مختلف قومیتیوں کے 95سے زائد افراد کام کررہے ہیں۔
پروجیکٹ کے دورے کے موقع پر شیخ محمد کو مراکز میں قائم ٹیموں کے ذریعے استعمال ہونے والے کوآرڈینیشن میکا نزم کے بارے میں مکمل بریفنگ دی گئی۔
اس کے علاوہ شیخ محمد نے دبئی پولیس کی تیاریوں کا جائزہ لیا، ان کا کہنا تھا کہ سیکیورٹی کے اعلیٰ ترین معیار کو یقینی بنانے کیلیے پولیس جدید ترین اسمارٹ ٹیکنالوجیز استعمال کررہی ہے۔
یاد رہے کہ دبئی ایکسپو2020 یکم اکتوبر سے شروع ہوگا، عالمی نمائش آئندہ برس مارچ تک جاری رہے گی، دبئی ایکسپو کے لیے “کنیکٹنگ مائنڈز، میکنگ دی فیوچر” کا عنوان مختص کیا گیا ہے۔ عالمی نمائش میں 190 سے زائد ممالک کی شرکت کریں گے۔
6ماہ تک جاری رہنے والی اس عالمی نمائش میں موسمیاتی تبدیلی، انسانی رہائش گاہوں کو زیادہ پائیدار بنانے، ڈیجیٹل تقسیم ختم کرنے، تعلیم کا مساوی حق اور صحت جیسے اہم عالمی مسائل پر بات چیت ہوگی۔
متحدہ عرب امارات سمیت مختلف ممالک کے الگ الگ پویلین تیار کیے گئے ہیں، متحدہ عرب امارات کا پویلین اپرچیونٹی ڈسٹرکٹ میں بنایا گیا ہے، اماراتی پویلین کمرشل ہوابازی کے مستقبل کو ظاہر کرتا ہے
