The news is by your side.

Advertisement

بھارت، ہندو انتہا پسندوں کا غریب کشمیری نوجوانوں پر تشدد

لکھنؤ: بھارت میں انتہا پسندی عروج پر پہنچ گئی، کشمیروں‌ کا جینا مشکل ہوگیا۔

تفصیلات کے مطابق مودی سرکار میں مذہبی تعصب کے بعد لسانیت اور قوم پرستی بھی عروج پر پہنچ گئی، بڑھتی انتہا پسندی کے باعث بھارت میں کشمیری شدید مشکلات کا شکار ہیں۔

لکھنؤ میں دو میوہ بیچنے والے کشمیریوں پر ہندوانتہا پسندوں نے حملے کردیا اور بری طرح تشدد کا نشانہ بنایا۔ سڑک پر موجود افراد نے واقعے کی ویڈیو بنا لی.

ویڈیو میں دیکھا جاسکتا ہے کہ خشک میوہ بیچنے والے کشمیریوں پر انتہاپسندوں نے لاٹھیاں برسائیں، بری طرح گھسیٹا اور سرعام تشدد کا نشانہ بنایا.

انتہاپسند دھڑلے سے کہتے رہے کہ یہ کشمیری ہیں، اس لیے ان پر تشدد کررہے ہیں۔

یہ افسوس ناک ویڈیو مقبوضہ کشمیر کے سابق وزیراعلیٰ عمر عبداللہ نے شیئر کی اور بھارت کا مکروہ چہرہ عیاں کر دیا، جو انتہاپسندوں کے ہاتھوں‌یرغمال بن گیا ہے.

مزید پڑھیں: بھارت میں‌ مسلمانوں کو ظلم و تشدد کا نشانہ بنایا جارہا ہے، اقوام متحدہ

سابق وزیراعلیٰ عمر عبداللہ نے لکھا کہ آر ایس ایس یا بجرنگ دل کے غنڈوں کے ہاتھوں اس طرح کا تشدد اور ‘اٹوٹ انگ’ کا تصور ساتھ نہیں چل سکتا۔

یاد رہے کہ اقوام متحدہ کی کونسل برائے انسانی حقوق نے اپنے ایک بیان میں کہا ہے کہ بھارت میں اقلیتوں باالخصوص مسلمانوں کو آئے روز ظلم، و تشدد کا نشانہ بنایا جارہا ہے۔

Comments

comments

یہ بھی پڑھیں