قومی ٹیم کے کپتان بابراعظم نے فہیم اشرف کو کھلانے کی وجہ بتا دی۔
پاکستان نے وننگ کمبی نیشن میں ایک تبدیلی کرتے ہوئے اسپنر محمد نواز کی جگہ آل راؤنڈر فہیم اشرف کو بنگلادیش کے خلاف موقع فراہم کیا گیا تھا۔ فہیم اشرف کا ایشیاکپ 2023 کا یہ پہلا میچ تھا۔
میچ کے اختتام پر فہیم اشرف سے متعلق سوال کیا گیا تو بابراعظم نے کہا کہ ہم نے میچ دیکھے ہیں تو اندازہ ہوا کہ فاسٹ بولرز کو کافی مدد مل رہی ہے اور توقعات کے مطابق فہیم نے زبردست بولنگ کی۔
Rana "The Golden Arm" Faheem Ashraf!#AsiaCup #PAKvBANpic.twitter.com/4Vh3s3Du4M
— Rai M. Azlan (@Mussanaf) September 6, 2023
انہوں نے کہا کہ جیت کا کریڈٹ تمام کھلاڑیوں کو جاتا ہے خاص کر فاسٹ بولرز کو جنہوں نے شاندار بولنگ کی۔ ابتدائی دس اوورز میں فاسٹ بولرز نے زبردست بولنگ کی حارث رؤف کی کارکردگی بھی شاندار رہی۔
بابراعظم نے کہا یقیناً جیت سے ٹیم میں اعتماد آتا ہے ہم پر کوئی دباؤ نہیں ہے ہم اپنا بہترین پیش کرنے کی کوشش کر رہے ہیں۔
