اسلام آباد: پی ٹی آئی رہنما فواد چوہدری کے بھائی فیصل چوہدری کا کہنا ہے کہ فوادچوہدری کوسیاسی انتقام کا نشانہ بنایا جارہا ہے۔
تفصیلات کے مطابق تحریک انصاف کے رہنما فواد چوہدری کے بھائی فیصل چوہدری ایڈووکیٹ نے گفتگو کرتے ہوئے کہا کہ شہباز گل کے کیس میں جوہوا تھا فواد چوہدری کے کیس میں ری پلے ہوا ہے، پولیس فواد چوہدری کو لاہورمیں گھماتی رہی اور عدالت میں پیش نہیں کیا۔
فیصل چوہدری کا کہنا تھا کہ فواد چوہدری کو ٹارچرکرنے کیلئے ڈالے کے پیچھے سردی میں گھماتے رہے۔
فواد چوہدری کے بھائی نے کہا کہ پولیس نےعدالت میں کہا کہ ہمیں لیپ ٹاپ برآمد کرنا ہے، عدالت نے پوچھا تو اب تک کیا کررہے تھے، روڈ پر سیرکرا رہے تھے۔
ان کا کہنا تھا کہ فوادچوہدری کوسیاسی انتقام کانشانہ بنایاجارہاہے، ان کی آوازبندکرنےکیلئےایسی حرکتیں کی جا رہی ہیں، ان کو توڑنے کیلئے حراست میں رکھنا چاہتے ہیں لیکن فوادچوہدری عمران خان کیساتھ کھڑے ہیں اور کھڑےرہیں گے۔
فیصل چوہدری نے مزید کہا کہ جوڈیشل ریمانڈ کے بعد دوبارہ جسمانی ریمانڈ کا فیصلہ فراڈ فیصلہ ہے، فواد چوہدری کو نہیں نظام اور بنیادی حقوق کوہتھکڑی لگی ہے، نظام کا منہ چڑانے کیلئےچہرے پر کپڑا ڈالا گیا ہے۔
فواد چوہدری کے بھائی کا کہنا تھا کہ امید ہے اعلیٰ عدلیہ اس معاملے پر نوٹس لے گی، چیف جسٹس کوبھی خط لکھا ہے امید ہے وہ بھی نوٹس لیں گے۔
انھوں نے کہا کہ ایف آئی آرمیں جو دفعات لگائی گئی ہیں وہ لگ ہی نہیں سکتیں، ایسی دفعات کودرست مان بھی لیا جائے تو سارے وکیل اندرہونگے۔
