site
stats
Uncategorized

فیصل رضا عابدی کی جان کو خطرہ ہے، اہلیہ

کراچی: سابق سنیٹر فیصل رضا عابدی کی اہلیہ ندا عابدی نے کہا ہے کہ ان کے شوہر اور اہل خانہ کی جانوں کو خطرہ ہے، چیف جسٹس اور آرمی چیف فیصل رضا عابدی کی گرفتاری کے معاملے میں مداخلت کریں۔

سابق سنیٹر فیصل رضا عابدی کی اہلیہ سیدہ ندا عابدی نے لاہور میں میڈیا سے گفتگو کرتے ہوئے کہا کہ انہیں دھمکی آمیز کالیں موصول ہو رہی ہیں، اس لئے کراچی سے لاہور منتقل ہوئی ہیں۔


پڑھیں: فیصل رضاعابدی کوجوڈیشل ریمانڈ پر جیل بھیج دیا گیا


ان کے شوہر اور اہل خانہ کی جانوں کو خطرہ ہے، چیف جسٹس اور آرمی چیف فیصل رضا عابدی کی گرفتاری کے معاملے میں مداخلت کریں۔ ان کا کہنا تھا کہ فیصل رضا عابدی کو سندھ حکومت پر تنقید کی سزا دی جا رہی ہے، وہ کسی مذہبی اور کالعدم تنظیم سے کبھی وابستہ نہیں رہے۔  انہیں انصاف فراہم کیا جائے۔


مزید پڑھیں:  اہل سنت والجماعت کے جنرل سیکریٹری ’تاج حنفی‘گرفتار 


یاد رہے رواں ہفتے قانون نافذ کرنے والے اداروں نے  شہر میں فرقہ وارانہ ٹارگٹ کلنگ کے الزام میں پی پی کے سابق سینیٹر فیصل رضا عابدی کو اُن کی رہائش گاہ سے گرفتار کر کے اسلحہ برآمد کیا تھا۔

بعد ازاں آج فیصل رضا عابدی کو  خصوصی عدالت میں پیش کیا گیا جہاں انہیں جوڈیشل ریمانڈ پر پولیس کے حوالے کردیا گیا ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top