پاکستان شوبز انڈستری کے سینئر اداکار فیصل رحمان نے بانی پاکستان قائداعظم محمد علی جناح سے ملاقات کا دعویٰ کیا ہے۔
فیصل رحمان کا شمار پاکستانی فلم انڈسٹری کے اہم رومانوی ہیروز میں ہوتا ہے، وہ ایک بہت کامیاب اداکار ہیں اور انہوں نے فلم اور ٹیلی ویژن دونوں میں کام کیا۔
یہ پڑھیں: لڑکیاں پسند کرتی ہیں تو لڑکے جلتے ہیں، فیصل
انہوں نے اداکاری سے طویل وقفے کے بعد حال ہی میں ایک ڈرامے میں نظر آئے جس میں انہوں نے ایک رومانوی اداکار کا کردار ادا کیا، فیصل رحمان کو ان کی نیچرل اداکاری کی وجہ سے پسند کیا جاتا ہے۔
View this post on Instagram
حال ہی میں اداکار نے نجی ٹی وی چینل کے ٹاک شو میں شرکت کی جہاں انہوں نے اپنی عمر سے متعلق سوال کا جواب دیتے ہوئے صارفین کو حیران کردیا۔
شو میں ہوسٹ نے پوچھا کہ آپ کی عمر کتنی ہے؟ جس پر فیصل رحمان نے کہا کہ میں آپ کو اپنی عمر نہیں بتارہا لیکن میں آپ کو ایک ہنٹ دیتا ہوں جس سے آپ میری عمر کا اندازہ لگا لیں۔
اس دوران اداکار فیصل رحمان نے دعویٰ کیا کہ ” جب میں چھوٹا تھا تو میں قائد اعظم سے ملا ہوں، اس سے آپ اندازہ لگا لیں کہ میری عمر کیا ہوگی، لیکن 80 سال سے تھوڑی کم عمر ہے”۔
اداکار فیصل کا کہنا تھا کہ ” جب میری قائد اعظم سے ملاقات ہوئی تو میں اس وقت بہت چھوٹا تھا”، اداکار کا جواب سن کر مداحوں نے حیرانگی کا اظہار کیا ہے۔
اس سے قبل اداکار کی ایک ویڈیو وائرل ہوئی تھی جس میں انہوں نے اب تک شادی نہ کرنے کی وجہ بتائی تھی، فیصل رحمان نے کہا تھا کہ ان کا شادی نہ کرنے کا فیصلہ ’دل ٹوٹنے‘ سے نہیں بلکہ اپنی زندگی میں کسی دوسرے شخص کی مداخلت سے بچنے کے لیے ہے۔
