سینیٹر فیصل واوڈا نے چیئرمین پی ٹی آئی بیرسٹر گوہر سے پارلیمنٹ کی راہداری میں مصافحہ کیا۔
اے آر وائی نیوز کے مطابق پارلیمنٹ کی راہداری میں سینیٹر فیصل واوڈا اور بیرسٹر گوہر نے مصافحہ کیا اور مسکراہٹوں کا تبادلہ کیا گیا۔
دونوں کو ساتھ دیکھ کر صحافی نے کہا کہ ابھی آپ سے متعلق ہی سوال کررہے تھے۔
جواب میں فیصل واوڈا نے کہا کہ میرے بھائی کو مشکل میں نہ ڈالا کریں، اچھے انسان ہیں۔
علاوہ ازیں پاکستان تحریک انصاف کے چیئرمین پی ٹی آئی بیرسٹر گوہر نے حکومت سے مذاکرات کے حوالے سے کہا کہ آج سے مذاکرات شروع نہیں ہورہے لیکن ہم کوشش کررہے ہیں، جوکمیٹی بنائی ہے اس کا پراسس فالو ہونا چاہیے۔
چیئرمین پی ٹی آئی کا کہنا تھا کہ بانی پی ٹی آئی نے کمیٹی بنائی ہے تاکہ کسی حل پر پہنچ جائیں اور سیاسی مسائل کامستقل حل ڈھونڈا جائے، چاہتے ہیں مذاکرات ہوں اور کسی حل تک پہنچا جائے۔
انھوں نے کہا کہ حکومت نےابھی تک کوئی رابطہ نہیں کیا، بانی پی ٹی آئی کی زندگی کو اپنے لوگوں سے کوئی خطرہ نہیں۔
