The news is by your side.

Advertisement

فیصل واوڈا کا حلقے کے عوام کو ذاتی وسائل سے سہولیات فراہم کرنے کا بڑا اعلان

کراچی: وفاقی وزیرفیصل واوڈا نے وزیراعلیٰ سندھ مرادعلی شاہ کو خط لکھا،  جس میں‌ حلقے کے عوام کو سہولتوں کی فراہمی کے لئے ذاتی تعاون کی پیش کش کی ہے.

وفاقی وزیرنے وزیراعلیٰ سندھ کو خط لکھا ہے

تفصیلات کے مطابق این اے 249 سے قومی اسمبلی کی نشست جیتنے والے فیصل واوڈا نے وزیر اعلیٰ سندھ مراد علی شاہ سے رابطہ کیا ہے.

اپنے خط میں‌ انھوں‌ نے موقف اختیار کیا کہ حلقے کے عوام بنیادی سہولتوں سے محروم ہیں، حلقے میں تعلیم، صحت اور صاف پانی کی عدم دستیابی بڑامسئلہ ہے.

انھوں نے موقف اختیار کیا کہ حلقہ میں مسائل کے حل کے لئے صوبائی حکومت سے تعاون پر تیار ہوں.

وفاقی وزیر نے اسکول، ڈسپنسریوں اور  آر ا و  پلانٹ کا خرچہ خود اٹھانے کی پیش کش کی ہے، ساتھ ہی انھوں‌نے بچوں کے تعلیمی اخراجات اور علاج کی سہولتوں کا خرچ خود برداشت کرنے کی بھی پیش کش کی.

مزید پڑھیں: وفاقی وزیر فیصل واوڈا سے متعلق زیرگردش اطلاعات حقائق کے منافی ہیں، ترجمان وزیراعظم

فیصل واوڈا نے کہا کہ اخراجات کا بوجھ وفاقی اور صوبائی حکومت پرنہیں ہوگا، حلقہ کے عوام کو سہولتیں ذاتی وسائل سے فراہم کروں گا.

وفاقی وزیر فیصل واوڈا نے لکھا کہ وزیراعلیٰ سندھ عوامی مفاد کے پیش نظر مجھے وسائل کے استعمال کی اجازت دیں.

Comments

comments

یہ بھی پڑھیں