The news is by your side.

Advertisement

ڈیڑھ سال قبل لاپتا شہری کی لاش گھر سے برآمد

فیصل آباد : پولیس نے ڈیڑھ سال قبل لاپتا شہری کی لاش گھر سے برآمد کرلی ، سجاد کو اس کی بیوی نے آشنا کے ساتھ مل کر قتل کردیا تھا۔

تفصیلات کے مطابق پنجاب کے شہر فیصل آباد میں ڈیڑھ سال قبل لاپتا شہری کی لاش گھر سے برآمد ہوئی ، پولیس کا کہنا ہے کہ سجاد کو اس کی بیوی نے آشنا کے ساتھ مل کر قتل کیا اور سجادکی لاش گھرکےصحن میں دبا دی تھی۔

پولیس نے بتایا کہ مقتول سجاد کے 9 سالہ بیٹے کی نشاندہی پر گھر سے لاش ملی ، مقتول سجادکی بیوی اوربیٹی کوبھی ملزم نے9ماہ قبل قتل کیاتھا تاہم قتل کرنےوالاملزم ابھی تک مفرورہے۔

یاد رہے گذشتہ ماہ کراچی کے علاقے کورنگی کے علاقے محمد علی کالونی 51 بی کی رہائشی خاتون نے اپنے آشنا کے ساتھ مل کر شوہر محمد شاہد کو چھری کے وار سے قتل کیا تھا۔

پولیس حکام کے مطابق خاتون نے شوہر کو قتل کرنے کے بعد لاش پلنگ کے نیچے چھپا دی تھی جبکہ واردات میں استعمال ہونے والی چھری بھی صاف کر کے رکھ دی تھی۔

بعد ازاں پولیس نے ملزمہ کو حراست میں لیا، جس نے تفتیش کے دوران اپنے جرم کا اعتراف کیا اور اپنے آشنا کے حوالے سے بھی بتایا۔

Comments

یہ بھی پڑھیں