کراچی: ریلوے پولیس نے کارروائی کرتے ہوئے فیصل آباد سے کراچی لائی جانے والی 66 کلو گرام چرس ضبط کرکے ایک ملزم کو گرفتار کرلیا۔
تفصیلات کے مطابق ریلوے پولیس نے ایک اطلاع پر ڈرگ روڈ پر فیصل آباد سے کراچی آنے والی پاکستان ایکسپریس کے ایک ڈبے پر چھاپہ مار کر 66 کلو گرام چرس برآمد کرلی جو کہ اعلیٰ معیار کی حامل چرس ہے۔
چھاپہ ایس ایچ او کینٹ اشفاق ندیم کی سربراہی میں ٹیم نے مارا جس نے کارروائی میں ایک ملزم ندیم کو حراست میں لے لیا۔
ایس ایس پی ریلوے روبن یامین نے میڈیا کو بتایا کہ چرس کافی کے پیکٹ میں اسمگل کی جارہی تھی جسے خفیہ اطلاع پر پکڑ لیا گیا، کارروائی کرنے والے پولیس کی ٹیم کے لیے انعام کی سفارش کی جائے گی۔