فیصل آباد: سدھوپورہ میں فیڈرل بورڈ آف ریونیو (آیف بی آر)کے گودام سے کروڑوں روپے کے ضبط سگریٹ چوری ہوگئی۔

ذرائع کے مطابق فیصل آباد کے سدھوپورہ میں ایف بی آر کے گودام سے کروڑوں روپے کے ضبط سگریٹ چوری ہوگئی، سگریپ چوری میں ڈیوٹی پر تعینات کانسٹیبل آصف، رمضان ملوث پائے گئے ہیں۔

ذرائع ایف بی آر کا کہنا ہے کہ سگریٹ چوری ہونے کے بعد دونوں ملزمان کو حراست میں لے کر ان سے تفتیش شروع کردی گئی ہے، دونوں اہلکار ایک ماہ سے رکشے پر سگریٹ کے کارٹن لے جا رہے تھے۔

ایف بی آر ذرائع نے مزید بتایا کہ سی سی ٹی وی کے باوجود اعلیٰ افسران نے چیکنگ نہیں کی، سگریٹ چوری میں اعلیٰ افسران کے ملوث ہونے کی بھی انکوائری جاری ہے۔