اسلام آباد: فیض آباد دھرنا کمیشن نے سابق ڈی جی آئی ایس آئی فیض حمید کو طلب کرنے کا فیصلہ کیا ہے۔
اے آر وائی نیوز کے مطابق فیض آباد دھرنا کمیشن میں گریڈ 20 کے افسر ساجد کیانی نے اپنا بیان ریکارڈ کروادیا ہے، وہ دھرنے کے وقت ایس ایس پی آپریشنز اسلام آباد تھے۔
فیض آباد دھرنا کمیشن نے لیفٹیننٹ جنرل (ر) فیض حمید کو آئند چند روز میں طلب کرنے کا فیصلہ کیا ہے۔
فیض آباد دھرنا کمیشن کا فیض حمید کو آئندہ چند روز میں طلب کرنے کا فیصلہ#ARYNews pic.twitter.com/AGCVYHIUkn
— ARY NEWS (@ARYNEWSOFFICIAL) December 19, 2023
ذرائع نے بتایا کہ کمیشن میں آئی بی افسر ساجد کیانی نے تین گھنٹے طویل بیان ریکارڈ کرایا۔
ذرائع کا یہ بھی بتانا ہے کہ سابق آئی جی اسلام آباد خالد خٹک کو بھی رواں ہفتے بلایا جائے گا۔
واضح رہے کہ رواں سال نومبر میں نگران حکومت نے فیض آباد دھرنا کیس میں عدالتی فیصلے پر عمل اور ذمہ داروں کے تعین کیلئے انکوائری کمیشن تشکیل دیا تھا۔
3 رکنی کمیشن کے سامنے سابق وزیراعظم شاہد خاقان عباسی اور سابق پرنسپل سیکرٹری وزیراعظم فواد حسن فواد سمیت کئی افسران پیش ہوچکے ہیں۔
