جعلی اکاؤنٹ سے زرداری گروپ کو رقم منتقل، بلاول ہاؤس کے بل کی ادائیگی کا انکشاف -
The news is by your side.

Advertisement

جعلی اکاؤنٹ سے زرداری گروپ کو رقم منتقل، بلاول ہاؤس کے بل کی ادائیگی کا انکشاف

اسلام آباد : ایف آئی اے ٹیم کو جعلی اکاؤنٹس کیس میں اہم کامیابی ملی ہے، مذکورہ اکاؤنٹس سے زرداری گروپ کو رقوم منتقل اور بلاول ہاؤس کی بجلی کا بل ادا کیا گیا۔

تفصیلات کے مطابق جعلی اکاؤنٹس کیس میں ایف آئی اے کی تحقیقات میں اہم پیشرفت ہوئی ہے، اس حوالے سے ایف آئی اے ذرائع کا کہنا ہے کہ زرداری گروپ میں جعلی اکاؤنٹ کے ذریعے ساٹھ کروڑ روہے منتقل ہوئے ہیں جس کا ریکارڈ بھی مل گیا ہے۔

اس کے علاوہ بلاول ہاؤس کے پانی کا بل ایک لاکھ بیس ہزار روپے بھی جعلی اکاؤنٹس سے ادا کیا گیا، ذرائع کا مزید کہنا ہے کہ جعلی بینک اکاؤنٹس کیس میں اومنی گروپ کے مالک انور مجید کی بیرون ملک جائیدادوں کی تفصیلات اکٹھی کی جارہی ہیں۔

تحقیقات کے لئے ایف آئی اے کی تفتیشی ٹیمیں بیرون ملک بھجوائی جائیں گی۔ ذرائع کے مطابق اومنی گروپ کے مالک انور مجید کے تمام اکاؤنٹس بھی سیل کر دیئے گئے، اب تک جعلی اکاؤنٹس میں 44ارب روپے کی منتقلی کے شواہد مل چکے ہیں۔

مزید پڑھیں: جعلی اکاؤنٹس کیس، انورمجید کے گرد گھیرا مزید تنگ

ایف آئی اے ذرائع کا یہ بھی کہنا ہے کہ مذکورہ جعلی اکاؤنٹس سے سو ارب سے زائد کی ترسیل کے شواہد ملنے کا امکان ہے۔

 

Comments

comments

یہ بھی پڑھیں