ٹھٹھہ: پولیس نے سندھ کے شہر ٹھٹھہ کے قصبے مکلی میں وارداتیں کرنے والے جعلی ایکسائز افسر کی تلاش شروع کر دی ہے، جس کی ویڈیو سوشل میڈیا پر وائرل ہوئی تھی۔
تفصیلات کے مطابق مکلی میں جعلی ایکسائز افسر کی بھتہ وصولی کی ویڈیو وائرل ہوئی تھی، حکام کا کہنا ہے کہ ایک شخص کئی دنوں سے چیکنگ کے بہانے گاڑیاں روک کر مختلف بہانوں سے بھتہ وصول کر رہا تھا۔
اس طرح کی ایک واردات کے دوران شہری نے جعلی ایکسائز افسر کی ویڈیو بنانی شروع کی تو جعلی افسر اور اہلکار موقع سے فرار ہو گئے، تاہم یہ ویڈیو سوشل میڈیا پر وائرل ہو کر جعل سازی کرنے والے ملزم کے لیے مصیبت بن گئی۔
ویڈیو وائرل ہونے پر وزیر جیل خانہ جات اور وزیر ایکسائز نے معاملے کا نوٹس لے لیا، وزیرجیل خانہ جات حاجی علی حسن نے کہا مسافروں پر مظالم برداشت نہیں کریں گے، انھوں نے ایس ایس پی کو ہدایت کی کہ ملزم کو ہر صورت گرفتار کیا جائے۔
بہاولنگر میں 4 ماہ قبل اغوا ہونے والے سیکیورٹی گارڈ کے ساتھ اصل میں کیا ہوا تھا؟ انکشاف
ادھر وزیر ایکسائز مکیش کمار چاؤلہ نے بھی نوٹس لیتے ہوئے عزم ظاہر کیا کہ ملزم کو قانون کی گرفت میں لایا جائے گا۔
