اسلام آباد: مودی سرکار نے اپنے عوام کو ایک اور دھوکا دینے کی تیاری شروع کر دی ہے، مقبوضہ جموں و کشمیر کے ضلع راجوڑی میں ایک فوجی ٹرک میں لگنے والی آگ کی ہزیمت مٹانے کی خاطر جعلی آپریشن کی تیاری کی جا رہی ہے۔
ذرائع کے مطابق جمعرات کے روز مقبوضہ کشمیر کے راجوڑی سیکٹر کی نیشنل ہائی وے پر توتا گلی کے مقام پر راشٹریہ رائفلز یونٹ کی گاڑی پر آسمانی بجلی گرنے سے 5 فوجی جل کر ہلاک ہو گئے تھے، تاہم بعد ازاں، مودی سرکار نے اسے کشمیری مجاہدین کے گرنیڈ حملے کا نتیجہ قرار دے دیا تھا۔
اب ذرائع کا کہنا ہے کہ اس واقعے کی آڑ میں مودی سرکار ایک بار پھر جعلی آپریشن کی تیاری کر رہی ہے، اور جعلی آپریشن میں پہلے سے چھپائے گئے گولہ بارود کی برآمدگی ظاہر کی جائے گی۔
ذرائع نے بھی بتایا ہے کہ جعلی آپریشن میں بھمبر گلی میں واقع 120 انفنٹری بریگیڈ حصہ لے گا، جعلی برآمدگی کے بعد تصاویر اور ویڈیوز میڈیا کو ریلیز کی جائیں گی، اس جعلی برآمدگی کو ایک بڑی کامیابی کے طور پر پیش کیا جائے گا۔
Sad news. 4 Army soldiers feared dead as an Army truck catches fire at Pooch Rajouri National Highway in Jammu & Kashmir near Tota Gali. Fire likely due to lightening strike. More official details are awaited. pic.twitter.com/kjwDvhbcWP
— Aditya Raj Kaul (@AdityaRajKaul) April 20, 2023
ذرائع کے مطابق جعلی برآمدگی کا ملبہ پاکستان اور تحریک آزادئ کشمیر پر ڈالنے کے بھی امکانات ہیں، اس جعلی آپریشن کا مقصد راجوڑی واقعے میں ناکامی پر پردہ ڈالنا اور بھارتی عوام کو رام کرنا ہے۔
واضح رہے کہ بھارت عالمی میڈیا میں اپنے جعلی آپریشن کی وجہ سے پہلے ہی کافی بدنام ہے۔
