The news is by your side.

Advertisement

لوگوں سے لوٹ مار کرنے والے جعلی پولیس اہلکار گرفتار، اسلحہ برآمد

کراچی : ایم اے جناح روڈ پر محکمہ انسداد دہشتگردی کے اہلکاروں نے کارروائی کرکے جعلی پولیس اہلکار گرفتار کرلئے۔ ملزمان سے اسلحہ اور دیگراشیاء برآمد کرلی۔

تفصیلات کے مطابق محکمہ انسداد دہشتگردی کے اہلکاروں نے ایم اے جناح روڈ پر کارروائی کے بعد جعلی پولیس اہلکاروں کو حراست میں لے لیا۔

ایس ایس پی عثمان باجوہ نے بتایا کہ ملزمان آصف حمید اور زبیر حسین کیپری سینما کے قریب پولیس اہلکار بن کر اسنیپ چیکنگ کے بہانے لوگوں کو روکتے اور ان کو ہراساں کرکے لوٹ مار کرتے تھے۔

اطلاع ملنے پر سی ٹی ڈی نے کاروائی کرکے ملزم آصف حمید کو گرفتار کرلیا ہے جبکہ اس کے ساتھی زبیر حسین کی گرفتاری کی کوششیں جاری ہیں۔

گرفتار ملزم خود کو ہفت روزہ اخبار کا صحافی بھی بتاتا ہے، ملزم سے اسلحہ اور پولیس پریس کارڈ برآمد ہوئے ہیں، ملزمان سے مزید تحقیقات جاری ہیں۔

Print Friendly, PDF & Email

Comments

comments

یہ بھی پڑھیں