گھانا میں جعلی امریکی سفارت خانہ بند -
The news is by your side.

Advertisement

گھانا میں جعلی امریکی سفارت خانہ بند

مغربی افریقی ملک گھانا میں فعال امریکی سفارت خانے کو بند کروا دیا گیا جس کے بارے میں امریکی محکمہ خارجہ کا کہنا ہے کہ وہ جعلی تھا۔

غیر ملکی خبر رساں ادارے کے مطابق یہ جعلی سفارت خانہ ایک عشرے سے گھانا کے دارالحکومت اکرا میں فعال تھا۔ عمارت پر امریکی جھنڈا بھی لہرایا گیا تھا جبکہ اندر امریکی صدر بارک اوباما کی تصویر بھی آویزاں تھی۔

یہ جعلی سفارت خانہ ایک عشرے سے گھانا کے شہریوں کو امریکی ویزے جاری کر رہا تھا۔

تاہم امریکی محکمہ خارجہ کا کہنا ہے کہ یہ سفارت خانہ جعلی ہے۔

محکمہ خارجہ کی جانب سے جاری کردہ تفصیلات کے مطابق یہ سفارت خانہ ایک مجرمانہ گروہ کی جانب سے چلایا جارہا تھا جس میں ترکی اور گھانا سے تعلق رکھنے والے افراد شامل تھے۔ سفارت خانے کو گھانا کے بعض کرپٹ اعلیٰ عہدیداران کی سرپرستی بھی حاصل تھی۔

امریکی محکمہ خارجہ نے یہ بتانے سے گریز کیا کہ اس جعلی سفارت خانے سے جاری کردہ ویزوں پر کتنے شہری امریکا میں داخل ہوئے۔

محکمہ کا کہنا ہے کہ عمارت پر چھاپے کے دوران 10 مختلف ممالک کے پاسپورٹ اور ویزے ضبط کیے گئے۔

محکمہ خارجہ نے دارالحکومت اکرا میں ایک اور جعلی سفارت خانے کی نشاندہی کی ہے جو نیدر لینڈز کا ہے تاہم نیدر لینڈز کی جانب سے اس کے بارے میں کوئی بیان جاری نہیں کیا گیا۔

Comments

comments

یہ بھی پڑھیں